i CREMERiA (已結業)

夏日炎炎，又系时候食雪糕，但系咁多间雪糕店，你又会拣边间呢？我心中就会出现creameria，因为自从有次系日本啲公路休息站食过杯，就一试难忘。去开尖沙咀食饭，当然顺口去食下。 入面大约有十几个座位，装修淡雅， 可以同朋友坐低慢慢食。 北海道蜜瓜deluxe雪糕，外表非常吸睛，用上半个北海道蜜瓜，牛奶雪糕上面亦都铺咗金箔。金箔本身系冇味道嘅，牛奶雪糕非常香滑浓郁， 蜜瓜清甜爽口又多汁，配埋雪糕食一流！ 芒果雪糕芭菲，上面嘅芒果鲜甜多汁，啱晒我呢个芒果迷。中间会有啲脆米增加口感，底下亦都有芒果酱令到层次丰富。