三代目 (港運城)

营业中

休息中

日式餐厅主打拉面日式丼，午市套餐都系百零蚊一个，上次食过拉面一般，今日试下丼饭，套餐包左一个饭，沙律，汤，蒸蛋再加一杯嘢饮。🍴吉列豚扒拼广岛蚝定食 $128 另收加一 (7.5/10)份量好足好丰富，吉列猪扒唔系一块切开，系一旧旧，有四旧，广岛蚝有三只。猪扒炸得香脆唔干身，系日式炸法，炸粉偏厚身，肉质弹牙有油脂，食落唔油腻，几唔错。蚝炸粉几厚，蚝肉比较细粒就但食落一啲唔腥，有蚝味。饭系珍珠米，烟韧有口感，唔会太湿，沙律正常用左袖子醋，汤有面豉味，几香唔咸，有海带同豆腐，蒸蛋有鲣鱼汤嘅香，口感几滑，可惜冇咩料，得旧细粉干鸡肉。冷泡焙茶正常几香茶味嘅！推荐指数: 7/10丼饭好食过拉面，128加一要成$141，比较偏贵，不过份量好足，劲饱肚，味道ok，间中可一试。