成都小巷米線雞煲 (和富道) (已結業)

米线绝对系香港人嘅comfort food，我哋相信每一区至少有一间卧虎藏龙嘅米线小店。今次就嚟到北角开箱成都小巷米线鸡煲，酸辣同麻辣都各具特色，汤底够晒浓郁。另外，成都小巷米线鸡煲除咗米线，仲有川式小菜、麻辣鸡煲同经济午餐，深受区内居民及附近返工嘅人士喜爱。姜葱手撕鸡手撕鸡非常嫩滑，鸡肉带有浓浓嘅姜葱香味。青椒皮蛋呢个小食绝对系必点推介，皮蛋非常绵滑，加上青椒同各种香料调味，非常惹味。蒜泥白肉呢个蒜泥白肉同平时连锁店食开嘅有啲唔同，因为红油比例较高，辣味非常惊喜。麻辣腩肉+菜心+腐皮麻辣米线中辣真系唔简单，辣得起劲，而回甘嘅麻味香浓，充满层次。𩠌菜嘅份量十足，物别钟意索晒汤嘅腐皮，超入味；腩肉略嫌太肥，但麻辣香味浓郁，劲正呀！腩肉+猪红+牛肉片酸辣米线
酸辣米线一直都系我嘅最爱，呢碗酸辣米线嘅配菜有芽菜、花生、韮菜、酸菜同肉碎。汤底嘅酸辣比例啱啱好，米线挂上汤汁，啖啖都辣得非常惹味。配菜有芽菜、花生、芝麻、韮菜、酸菜同肉碎，份量十足，非常饱肚。