影片
以上资料只供参考，请与餐厅确认详情
只能夠話價錢好平好平，$168食兩個鐘，可以揀鱸魚或者雞，如果一張枱又食魚又食雞要另外加$20。我哋四個人食，叫咗兩煲都係雞，一煲辣一煲唔辣，唔辣嘅真係唔辣，辣嘅都係唔辣。食完雞煲打邊爐，配料自助，認真選擇唔係好多，質素亦都唔高，但係睇返個價錢，仲可以點。食完兩個鐘個場未滿客，所以阿姐冇趕我哋走，叫我哋可以繼續坐，嘢飲都可以繼續飲，呢個先係服務質素。
继续阅读
原來北角開左間新餐廳係久違既雞煲同烤魚好記得有一排勁興雞煲，但熱潮過左又冇曬。。。依家又可以搵番從前回憶！懷住期待既心情黎試$148食1.5小時，多半小時收$20。香港地，任食雞煲打邊爐，價錢算係咁啦，係咪？？我地首先去自助區拎住飲品等雞煲，飲品選擇都多，有啤酒有汽水，打邊爐點可以少得佢地呢姐姐好快預備左雞煲😉一上桌，已經見到大愛既生芫荽！雖然雞煲味道吾係話超級難忘，但一定足料，吾會係以前果種只食骨頭🦴其實見到咁多棵芫荽，我諗起呀媽煮飯時都係咁落足料，有種媽媽煮飯既feel….🥰食完雞煲，自己加湯同拎配料。配料同我自己屋企一般打邊爐既料都差吾多。個人覺得中規中矩今餐好滿足。臨走前仲有小驚喜！冇收加一$150都吾洗就食到咁多！真係要多啲留港消費啦
继续阅读
在北角和富道探朋友，晚飯時份，朋友推介附近的成都小巷，有我最愛的酸菜魚，且價格極之超值，朋友既然如此推崇，當然奉陪。街坊生意，裝修簡單，通爽光猛。特色孤型梳化卡座，適合一家老少密密斟。雞煲及烤魚應該是招牌菜，二話不說點了酸菜烤魚1.5 小時 - 鱸魚放題 $138，這樣的價格竟有原條烤鱸魚，簡直超越想像 😍😍偌大的凍櫃，基本的火鍋配菜、料頭等都有提供，可隨意選取。旁邊有碟、烏冬、公仔麵及清湯，可自由享用。隨便拿了一點喜好的，西洋菜、粟米、南瓜、腸仔、金菇及枝竹，跟烤魚都甚為合襯。蔬菜外還取了些肉丸，如芝心丸、龍蝦丸、燒賣及獅子狗卷，都是大路食材，穩陣無甩拖🤣🤣🤣嘩！烤鱸魚出場了！這窩烤魚大得驚人，光是賣相已極吸引！很期待 😚除一條炸鱸魚外，還有不少配菜，當中的酸菜很出色，咸酸度適中，不錯不錯👍炸得香脆，魚肉保持結實，筷子夾起來依然保持整片魚肉不會散開，甚好！魚肉嫩滑一梳梳的，口感彈牙，份量十足，抵食！餐廳入口有大型飲品櫃，悉隨尊便。選了甚少碰到罐裝酸梅湯，甜甜酸酸的，合我口味。
继续阅读
北角「成都小巷米線雞煲」係一家以雞煲、椰子雞煲和烤魚為主打的餐廳，位於北角區的一條小巷中，環境舒適，夠光猛冷氣夠凍。今次我試嘅係招牌菜雞煲&烤魚，兩者都係以新鮮食材為基礎，配以獨特調味料和烹飪技巧，味道鮮美，令人回味無窮。雞煲係餐廳的招牌菜之一，使用嫩滑多汁的雞肉，搭配上鮮嫩的蔬菜和香濃的湯底，讓人垂涎欲滴。湯底的味道濃郁，帶有微辣的口感，讓人胃口大開。另外，烤魚都係依家餐廳特色之一。佢地使用嘅係新鮮的魚，經過特殊的烤製方式，魚肉保持了原汁原味的口感，外皮酥脆，內裡鮮嫩。配以獨特調味料和香料，讓整道菜色香味俱佳。除了雞煲和烤魚，這家餐廳還提供多種其他美食選擇，如炒飯、炒麵、湯品等。無論是單點還是套餐，價格都相當實惠，適合一家人或朋友聚餐。總的來說，值得一試的餐廳。仲要汽水啤酒任飲！
继续阅读
今晚就嚟到北角食晚餐，行到呢間成都小巷附近已經聞到超香嘅雞煲味🐣🐣$138可以任食雞煲烤魚打邊爐個半鐘，真係超級抵食我哋就叫咗個小辣嘅雞煲，雞煲調味十足超級惹味🥰🥰雞肉分量十足，配合埋洋蔥芫荽呢啲香料，真係超級好味！食完雞煲之後😍😍呢度就可以自助咁樣拎清湯🤤🤤同埋配料開始打邊爐😆呢度配料種類都非常之多😍😍丸類肉類瓜菜類都應有盡有😋😋😋亦都有公仔麵同埋烏冬任君選擇🤪🤪雪櫃嘅飲品都係任飲㗎😚😚$138真係非常抵食🥳
继续阅读