小城鎮 (已結業)

系北角新都城附近做完嘢，就揾下附近有咩食，本来记得巷入面有谭仔，但系一望见到间西餐，费事一阵落雨狼狈就入左去食。餐厅入面系北欧风装修，有砖墙、怀旧车牌路牌、书架。Lunchset系焗饭或者意粉，跟一个汤同饮品。今日嘅汤应该系粟米蓉汤，口感唔滑，有粟米blend成嘅渣，有少少火腿条，不过整体感觉唔太好，我亦都冇饮晒个汤。主食我叫左橄榄油蒜蓉虾扁意粉，卖相可以，意粉唔太油，质感可以，有蒜片同洋葱调味。虾就...可以啦，冰虾冇味但系爽，整体还可以，不过唔够咸，加返盐调返味会好d。至于饮品...我叫左冻奶茶，见到色泽都知道不妙，佢地嘅奶茶系类近台湾奶茶，香味较重，冇咩奶茶味，味道亦都较淡，所以我饮左几淡就冇饮噜，建议叫返咖啡或者柠茶类。