金樂軒雞煲魚鍋

营业中

休息中

今晚6点约左住系和富花园嘅朋友，佢带我去附近嘅金乐轩鸡煲鱼锅，话好好食，主打广东小炒。 一行入去，侍应热心向我们介绍特色小菜，我地叫左几碟。 药膳牛排锅侍应话这道菜是最近新出嘅，我见到「药膳」两个字，仲以为有好重嘅药材味，原来唔系，只是有淡淡嘅药材味和浓郁嘅牛排味，汤好好饮。锅内有很多大大旧嘅牛排，旧旧都又大又有咬口，仲有萝卜配搭，好有口感，充满牛味。 金银蛋黄帝菜底下放左时菜，上面铺左好多皮蛋、蛋黄和蛋白，菜好新鲜。 家乡蚝仔煎有好多蚝仔，再加上不同的配菜，咬落去没有一般蚝饼成口粉嘅感觉，蚝仔煎好有惊奇，有咬口，有蚝香，好食。 花雕醉鸡用花雕酒腌制嘅鸡肉，口感鲜嫩多汁，鸡肉吸收左花雕嘅酒味，咬落去有淡淡嘅酒香，好味。 竹蔗茅根可以拣大jar或细jar，我地叫左细jar都够饮，大约有6杯，清甜降火，配锅佳品。 整体印象好有人情味，小炒美味，价钱又唔贵。