影片
更多
2022-11-26
67 浏览
今日约咗好姊妹行街，行经北角谂住医吓肚，见到间Lunch Set有得食铁板烧，价钱又几抵㖞，一于入去试试先！呢间Sticks & Fire，店内环境企理，坐位就唔算多，见到都有客人嗌紧外卖。而店员比我感觉好友善呀！仲推介咗佢哋餐厅有咩必食嘅Menu。见价钱几抵，我哋都好唔客气咁嗌咗4样嘢食 （份量系好多，不过我哋今日真系好肚饿！）1. 白汁烟三文鱼意粉 ＄98Size适中，三文鱼唔算太咸刚刚好。几得意系个白汁味偏甜，但系食落件事又几夹、几开胃，而且都整得几入味。我哋好快已经清晒成碟！2. 铁板霹雳霹雳烤鸡 半只 配意粉 $68大家都知而家去街市买只鸡都几贵吓，所以本身期望不大。一上菜，见到半只鸡都咁大大只，有惊喜㖞！我Friend都话呢个好抵食，而且肉质都几嫩滑仲好入味，呢个价嚟讲性价比极高！3. 铁板牛骨髓、牛尾及牛腱配薯条 ＄118呢个系店员推介嘅Set，我都对个牛骨髓几好奇，印象中都几高营养价值几补㗎嘛！嚟到发现超大份，个牛骨劲大旧，轻轻用叉中间撩一撩就起到啲牛骨髓，质感滑滑地，味道好浓郁，仲有少少烧烤味咁。而个牛尾同牛腱睇落少少生，不过食落都几嫩滑，啲肉好易就甩到出嚟。不过真系
呢间Sticks & Fire，店内环境企理，坐位就唔算多，见到都有客人嗌紧外卖。
而店员比我感觉好友善呀！仲推介咗佢哋餐厅有咩必食嘅Menu。见价钱几抵，我哋都好唔客气咁嗌咗4样嘢食 （份量系好多，不过我哋今日真系好肚饿！）
1. 白汁烟三文鱼意粉 ＄98
Size适中，三文鱼唔算太咸刚刚好。几得意系个白汁味偏甜，但系食落件事又几夹、几开胃，而且都整得几入味。我哋好快已经清晒成碟！
2. 铁板霹雳霹雳烤鸡 半只 配意粉 $68
大家都知而家去街市买只鸡都几贵吓，所以本身期望不大。一上菜，见到半只鸡都咁大大只，有惊喜㖞！我Friend都话呢个好抵食，而且肉质都几嫩滑仲好入味，呢个价嚟讲性价比极高！
3. 铁板牛骨髓、牛尾及牛腱配薯条 ＄118
呢个系店员推介嘅Set，我都对个牛骨髓几好奇，印象中都几高营养价值几补㗎嘛！嚟到发现超大份，个牛骨劲大旧，轻轻用叉中间撩一撩就起到啲牛骨髓，质感滑滑地，味道好浓郁，仲有少少烧烤味咁。
而个牛尾同牛腱睇落少少生，不过食落都几嫩滑，啲肉好易就甩到出嚟。不过真系好饱！！！呢个份量男仔食都应该够晒饱！
.
4. 干果沙律 $65
觉得今日好邪恶食咗好多肉，所以去到尾声要嗌个沙律Refresh吓！
其实落咗芝麻酱嘅菜已经好食，不过入面有少少梅干、无花果同蔓越莓，又几好㖞，呢啲都系出名对女士身体好嘅果干，好啱女仔食！虽然话就话好饱，但个沙津好好食，我哋都系清晒哈哈！！
以上嘅套餐都会包一个嘢饮，可以拣汽水、茶、咖啡或者餐汤。
而家睇返相都觉得好抵食！！以一个嗌多咗嘅标准嚟讲，埋单都系$350左右。价钱抵食，份量多！
.
下次去开呢头都会过嚟食多次个Lunch Set，可以试吓其他，例如西冷扒、五花肉咁，见到隔离枱都食得好滋味，下次又试吓先！！
张贴
