太平飯店 (已結業)

其实北角有咩好食呢，想食潮州嘢选择真系唔多，又唔想去街边啲打冷铺咁颓，有间野真系经过好多次好想试吓，又无机会试㖞，今日就试吓啦见老豆生日，佢想食潮州嘢就陪下佢啦，最后去咗太平饭店到试吓。其实吸引我嘅首先系个门口，成日都好钟意一大块玻璃望到晒入面有啲咩，起码污糟污糟都见到，唔使食完心挂挂。见到又够光猛又干净又好似坐得几舒服就去试啦。 食得潮州野，卤水并盘就一定唔少得啦，就叫咗鹅片杂并，一嚟到，真系哗咗一声，d 色水靓到呢，188 唔系平，但一定系抵，你睇下d 鹅既肥瘦均匀到呢，其他野又入味wo老豆钟意食鱼，咁只眼做完俾佢食啦，有大眼鸡同乌头，最后就拣咗乌头，好抵㖞，$128/条咁大条，又滑d 肉又实，最惊喜系起埋黄油Tim 架，证明够新鲜。其实仲有叫糖心蛋，蚝饼，奶油津白，好多好多，讲都讲唔晒，所以就推荐两个比大家试吓，呢两个最有惊喜。