影片
更多
2024-05-11
111 浏览
同朋友约咗喺北角鮨鲔居酒屋食lunch. 居酒屋用上木墙身，木灯饰。装修系简约日式风。座位舒适。芝士明太子玉子烧（$62）：上枱嘅时候仲出紧烟。半熔状态既芝士加上咸咸地嘅明太子制成嘅玉子烧，味道带咸香，质感绵密。玉子烧冇过火。厨师发办寿司10件（$288）：10件寿司当日包括池鱼，金目鲷，蜜柑鲷，海胆军舰，三文鱼子军舰，赤贝，胡鲷，蓝莓鹅肝冻，带子同大拖罗寿司。寿司都好新鲜。当中，海胆军舰(Creamy），三文鱼子军舰（咬开脆衣后汁液好鲜），池鱼寿司（鱼味浓郁）同大拖罗寿司（新鲜，易咬开）都好啱我口味。而蓝莓鹅肝冻带点奶香味，几特别。京葱炒牛脷定食 （$88）：加入大量嘅京葱同薄牛舌一齐炒，惹味非常。牛舌生熟度啱啱好，易咬开。牛香味十足嘅牛舌，加上简单嘅调味，已经好好够味。月亮虾饼（$38）：又系热辣辣嘅出品。冇谂过呢个平价嘅小食，都有咁好嘅质素。虾饼好弹牙，入边真系有鲜虾粒睇到，咬到。炸皮松脆。定食配有既沙律菜爽脆，面豉汤入边有好多海苔好足料，而乌冬都香滑弹牙。窝夫唔系好甜，冻冰冰，作为小小嘅饭后甜品唔错。
同朋友约咗喺北角鮨鲔居酒屋食lunch. 居酒屋用上木墙身，木灯饰。装修系简约日式风。座位舒适。
芝士明太子玉子烧（$62）：上枱嘅时候仲出紧烟。半熔状态既芝士加上咸咸地嘅明太子制成嘅玉子烧，味道带咸香，质感绵密。玉子烧冇过火。
厨师发办寿司10件（$288）：
10件寿司当日包括池鱼，金目鲷，蜜柑鲷，海胆军舰，三文鱼子军舰，赤贝，胡鲷，蓝莓鹅肝冻，带子同大拖罗寿司。
寿司都好新鲜。
当中，海胆军舰(Creamy），三文鱼子军舰（咬开脆衣后汁液好鲜），池鱼寿司（鱼味浓郁）同大拖罗寿司（新鲜，易咬开）都好啱我口味。而蓝莓鹅肝冻带点奶香味，几特别。
京葱炒牛脷定食 （$88）：加入大量嘅京葱同薄牛舌一齐炒，惹味非常。牛舌生熟度啱啱好，易咬开。牛香味十足嘅牛舌，加上简单嘅调味，已经好好够味。
月亮虾饼（$38）：又系热辣辣嘅出品。冇谂过呢个平价嘅小食，都有咁好嘅质素。虾饼好弹牙，入边真系有鲜虾粒睇到，咬到。炸皮松脆。
定食配有既沙律菜爽脆，面豉汤入边有好多海苔好足料，而乌冬都香滑弹牙。窝夫唔系好甜，冻冰冰，作为小小嘅饭后甜品唔错。
张贴
