紅磡冰室 (已結業)

上个星期食完烤肉之后即刻生咗几粒疮疮，呢两日都要忍一忍口，唔好食咁多热气肥腻嘢，于是今日就拣咗个泡饭嚟食，贪佢清清哋。呢个冰室海鲜泡饭系令猴子有啲惊喜，因为佢材料十足，食材舖满一个汤碗，大大只虾碌、厚厚嘅鱼块，食材全部打孖上，一啲都唔孤寒。汤饭亦系煮得啱啱好，饭粒唔烂、够结实，汤底亦清新冇味精，食完唔会口干。其他材料仲有鱿鱼、淡菜同金菇等等，全部煮得颇有水准。猴子发觉呢间冰室嘅菜色都系偏向少油少盐，公司同事叫咗个干炒牛河，睇得出佢用油嘅份量比一般餐厅少，唔会食到成个嘴都系油，食开浓味嘅人或者会有啲唔惯，不过家阵啲人注重健康，相信呢间冰室只系顺应潮流。