紅磡冰室 (已結業)

紅磡冰室 早餐 , 帶給人滿足又醒晨感覺員工服務好, 又不會過火熱情, 讓人一大清早可以好好享受一下早餐轉多士加$1 , 建議轉多士煎蛋質素也不錯只是熱奶茶一般!!

瑞士汁雞翼撈公仔麵餐🍜($46)瑞士汁撈得好均勻，麵條煮得岩岩好唔會太林而且條條分明！雞翼熱辣辣好juicy好正🤤個餐仲有炒蛋多士同野飲，食完會飽到上心口😆

北角附近餐廳種類繁多花多眼亂今晚就反撲歸真食返d 簡單港式食物冰室可謂港式餐廳代表港式奶茶同炒河一定係代表中既代表今晚就點左一份乾炒牛河夠火喉味道適中唔會太濃不過環境雖然十分舒適卻感受不到舊式冰室的味道

現在早餐普遍要花費30多元。我看輕湯粉和煎炸雞魚豬，重視炒蛋和麵包。炒蛋和烤麵包可反映該店質素的高低。此店的F早餐份量如大兵艦，炒蛋面積長約15厘米，厚厚的，比快餐店多兩倍。啖啖有黑松露味，滿口碎菇片，蛋嫩芳香，是上上品。等了7分鐘，是即叫才做之作。煎腸是用大直徑，切成薄片，墊在炒蛋之下。名辣腸，全不辛辣。麵包是港產規貨，特別糯綿，具口感和飽腹。以蒜蓉炸焗，油香盈腔，滋味倍增。只是咖啡平庸而已。

上個星期食完烤肉之後即刻生咗幾粒瘡瘡，呢兩日都要忍一忍口，唔好食咁多熱氣肥膩嘢，於是今日就揀咗個泡飯嚟食，貪佢清清哋。呢個冰室海鮮泡飯係令猴子有啲驚喜，因為佢材料十足，食材舖滿一個湯碗，大大隻蝦碌、厚厚嘅魚塊，食材全部打孖上，一啲都唔孤寒。湯飯亦係煮得啱啱好，飯粒唔爛、夠結實，湯底亦清新冇味精，食完唔會口乾。其他材料仲有魷魚、淡菜同金菇等等，全部煮得頗有水準。猴子發覺呢間冰室嘅菜色都係偏向少油少鹽，公司同事叫咗個乾炒牛河，睇得出佢用油嘅份量比一般餐廳少，唔會食到成個嘴都係油，食開濃味嘅人或者會有啲唔慣，不過家陣啲人注重健康，相信呢間冰室只係順應潮流。

北角茶餐廳選擇都多但係要數抵食又出色既話「紅磡冰室」肯定會係其中一間👍佢常餐款色最吸引價錢大眾化 $44~$50蚊不等今次我叫左香煎豬扒撈公仔麵😍對於向來養生既我黎講係極度邪惡既選擇😝豬扒好大舊 超級抵食👍 公仔麵份量都好多 而且唔會煮得好稔最正係d麵索曬d瑞士汁 味道一流😋跟餐仲有兩塊牛油多士(可以揀蒜蓉厚多士) 同埋煎蛋or炒蛋 煎蛋係半熟流心蛋黃 包埋熱飲一杯茶餐廳黎講呢間性價比都算幾高😆值得推薦👻 下次會想試下常餐以外既野🤣

餐廳喺正炮台山港鐵站對面。午市時間嚟到。要等一陣先有位。餐廳大部份都係卡位。不過今日天氣熱。坐近門口啲位唔多夠冷氣。侍應都做到有啲燥底。原本一心想食一丁。可惜餐廳冇提供。最後冇揀到午餐特餐。散叫左個豉椒排骨炒河。試下廚房炒野嘅功力。炒河碟頭大。河粉底炒得夠香唔多油。急凍排骨冇乜肉味不過亦都冇雪藏味。個汁偏甜。散叫熱飲要+$6。凍飲要+$9。叫咗杯凍檸茶。茶底唔清有啲澀。等緊嘢食嘅時候見到侍應拎左一碟炒飯出嚟。碟炒飯埋到成座山咁高。如果2個女仔真係叫一碟都夠。

Breakfast time- I ordered the fish fillet breakfast with scramble eggs, ham, garlic toast and iced lemon tea. They give generous portions, tastes decent but the scramble egg can be a bit more cooked. Pretty filling breakfast, I like the taste.

繼續係北角搵野食，黎到 紅磡冰室食lunch。餐廳位置方便，距離地鐵站5分鐘。入到，食客幾乎坐滿。點左個常餐炒蛋牛油多士加沙爹牛肉麵。1分鐘後熱檸水到，之後多士滑蛋也到了。先試多士先，比一般的厚，牛油幾香。放埋滑蛋食，更添滋味。沙爹牛肉麵還可以。牛肉醃得幾入味。

今日要早返工，為左係忙碌既一天有美好既開始，我選擇左黎紅磡冰室同友人食早餐。其實係因為友人介紹話呢間早餐好飽肚，可以唔使食lunch，於是就去試下。一入去裝潢好靚，好乾淨。搵左個卡位坐底，睇完餐牌感覺選擇冇快餐店黎得多。一落完單，啲伙記唔洗10分鐘就上晒所有食物飲品，好有效率，重要既係唔會好似有啲茶餐廳咁放啲印單紙係食物上面，感覺衛生好多。講返啲食物，我叫左個沙爹牛肉麵+火腿+炒蛋。炒蛋真係好驚喜😍唔單止好嫩滑，仲唔會落太多奶令蛋味消失，雖然睇落唔多，但好filling.另外個麵都煮得剛剛好，唔會落過多汁令成碗麵太鹹，麵既軟硬程度剛剛好，有機會我都會再返黎食

今日lunchtime過左去北角呢邊食lunch，黎到一點鐘左右門口都有幾堆人排隊，但好快我地就入到去坐喇。第一次黎呢度食lunch，同事好快就已經諗到要食特餐，所以我都跟風一齊揀常餐B。個餐我揀左豬扒炒出前一丁，蒜蓉包同埋炒蛋。炒蛋同蒜蓉包上見，個包熱辣辣幾脆幾好味。食到一半就出前一丁就到喇，豬扒夠大塊，係抵食嘅。而個麵味道亦都唔錯。份量都幾多其實我食到一半已經飽飽地，下次會試下瑞士雞翼撈公仔麵。

其實寫唔寫食評都無所謂，呢d舖頭係做街坊生意嘅，唔會話太差。平時我都有响度食，正正常常。同我通常係食佢d晚餐，可以食但無咩特別。尋晚唔想食晚餐同宵夜餐，食左個咸魚雞粒炒飯，真係實在太好味了。唔知係咪因為呢d唔係餐，所以無整定，但咁就試到師傅工架。佢好似落左咸蛋落去炒，d飯炒得好靚。我係一個好鐘意食飯嘅人黎，佢平時煮個d又唔係好好食，不過呢個飯嘅軟硬度適中，正。因為呢個炒飯實在係太美味了，我黎緊會試埋其他炒野。

同朋友食個快的午餐, 試吓這間紅磡冰室. 我們12.15pm 已經好多人, 但仍未需要排隊, 要搭枱坐, 都正常的. 朋友選擇了午餐的星洲炒米 $54 包熱飲一杯, 分量足夠, 不太油膩, 味道OK, 朋友嫌唔夠辣. 我點了餐牌的豉召排骨飯 $52，熱飲加 $6，因為不是午餐，等左約15分鐘，排骨都比較多，質素一般，尚可以。至於奶茶及鴛鴦，不過不失。12點半後開始有人排隊, 至於服務就真是一般. 整體來說，以此價錢，算OK，留意可以去。

冇幾耐之前泥食過特餐，炒蛋、熱奶茶同蒜蓉多士都唔錯。今晚遲左食飯，所以一食就食宵夜餐。款式唔係多，但都有輕食至飽肚既選擇。叫左兩個小菜，（左）黑椒薯仔牛仔粒同（右）麻婆豆腐，份量望落都唔少。豆腐大大粒，汁多而稀，所以唔太咸，撈飯一流，3粒⭐️牛柳粒細細粒，有黑椒味，汁多，唔算重口味，有穫氣更好，3粒⭐️熱奶茶幾滑，奶味稍重，一茶匙糖就甜左d，所以落少少糖已經夠甜，多d茶味更好，3.5粒⭐️如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

呢日同一班朋友踢完波，想開開心心就想黎食個晏！其實呢到野食品質一值都算唔錯，炒蛋、瑞士汁雞翼其實真係幾好食，只不過野食味精落得太多，一食就會不停飲水，好口渴但呢到既服務態度愈黎愈差.... 上次黎到其實拎位既時侯已經俾人呼呼喝喝，今次黎到點知重要走左單，問佢地追單重要黑面話我地煩，淨係話得得得，但其實無理過....最尾個番茄湯牛肉薯仔通粉黎到，薯仔重多話通粉咁濟，更加唔好提好牛肉...我地都明白呢個價錢唔好要求太多服務水準，但最少唔好黑我地面同反口話返我地已經可以啦...