Studio Caffeine (和富道) (已結業)

今日约左港岛东朋友食个lunch~佢介绍我黎呢间 Studio Caffeine ，原来北角呢间已系第三间分店！如果坐到窗口位系唔错～～～ 慢煮牛肋骨肉酱宽带面呢个牛肋骨用上低温慢煮方式烹制，除咗能令牛肋肉嘅肉味肉汁完美锁紧之外，仲能令肉质嫩得更软嫩，入口有绵滑嘅口感。而宽带面系自家手工做，所以食落更弹牙同埋有嚼劲，仲吸收哂酱汁嘅精华添。讲起酱汁佢哋用咗红酒，所以同牛肋肉嘅味道好夹，亦可以突出肉嘅味道。黑虎虾细扁面黑虎虾只只都好大只之余，肉质弹牙又爽口，而佢嘅酱汁用咗法式浓汁，好浓嘅虾味，又好挂面，而且酱汁入面仲加咗自家制嘅虾膏油，令其更为甘香，最后喺摆盘方面仲加添芦笋，令我整体感觉更加清新。饮品点咗杯 Mocha同抹茶Latte ，两杯饮品嘅拉花都好靓，前者浓香咖啡味入口顺滑，后者有阵阵茶香，饮到有茶味嘅回甘。