影片
更多
2017-03-22
6990 浏览
3月11号早上，有人话要去食Lunch Buffet，于是上网团购下，见北角海逸有生蚝兼且埋单价$209，即刻打去问下有无位，竟然订几个位都仲话有㖞。。。准时十二点到逹，人客未见多，即刻走出去拎嘢食兼影相。生蚝唔算肥美，咁即刻扫十只医医肚，但食落海水味唔重兼有少少腥，食咗一转都唔想再食，跟住食三文鱼，讲明挪威三文鱼，咁可以放心食几块咁多啦！到烧牛肉喇，ＯＭＧ又冻又靭，非常难啃！之后见烧味新鲜拎出嚟，试晒肥叉、鸡同烧鸭，三样都好 ok，又热又淋又入味。十二点十五分人流开始多，成团人冲咗出去扫热盘，好在我唔太好兼无乜 quota，所以对我影响不大，但我都有试少少，炸鱼柳／蒸鱼／菜／鸡翼／青口都ＯＫ，其他只系双眼食咗就算。另外车仔档有即煮粥同冬荫功，试咗走粉冬荫功，真系辣到飞起，连虾／菜／蟹柳等配料都食唔到！三款刺身柜旁边有寿司／冷面／沙律／芝士，我统统无试，留肚试甜品好过，甜品当中，最突出竟然系木桶豆腐花，有黄豆味之余又热又滑，纽约芝士蛋糕都唔错，其余甜品都不过不失，可以不试。仲有一种甜品想推介一下，就系雀巢红豆雪糕，因为出面好少有得食。二人共消费：$420
准时十二点到逹，人客未见多，即刻走出去拎嘢食兼影相。生蚝唔算肥美，咁即刻扫十只医医肚，但食落海水味唔重兼有少少腥，食咗一转都唔想再食，跟住食三文鱼，讲明挪威三文鱼，咁可以放心食几块咁多啦！到烧牛肉喇，ＯＭＧ又冻又靭，非常难啃！之后见烧味新鲜拎出嚟，试晒肥叉、鸡同烧鸭，三样都好 ok，又热又淋又入味。十二点十五分人流开始多，成团人冲咗出去扫热盘，好在我唔太好兼无乜 quota，所以对我影响不大，但我都有试少少，炸鱼柳／蒸鱼／菜／鸡翼／青口都ＯＫ，其他只系双眼食咗就算。另外车仔档有即煮粥同冬荫功，试咗走粉冬荫功，真系辣到飞起，连虾／菜／蟹柳等配料都食唔到！三款刺身柜旁边有寿司／冷面／沙律／芝士，我统统无试，留肚试甜品好过，甜品当中，最突出竟然系木桶豆腐花，有黄豆味之余又热又滑，纽约芝士蛋糕都唔错，其余甜品都不过不失，可以不试。仲有一种甜品想推介一下，就系雀巢红豆雪糕，因为出面好少有得食。
二人共消费：$420
张贴
