影片
更多
2021-05-11
50 浏览
今日同老公行北角，发觉原来北角都改变可大，多咗好多食肆，我哋行行下见到和富中心有个商场，所以入去行下，行行下发觉有啲攰，见到有间泰国甜品餐厅，主打系芒果甜品，泰国芒果系我嘅至爱，咁梗系入去试下。好多芒果甜品选择，真系想样样都试下可惜冇咁大个胃，唯有下次再嚟多转。太多选择，有选择困难症依间都系主打甜品，如果想食其他热食，都可以一齐叫埋佢哋隔离间泰国菜馆，佢哋话地方系共用嘅，但就唔知系咪同一间公司，不过咁样几好又可以食甜品又可以食正餐。我叫咗个超级芒果狂热，因为呢个有几款唔同芒果嘅甜品喺入面，可以试多几款。入面包括由糯米饭/芒果布甸/泰国芒果/芒果雪糕组成，仲有一大达cream，最后当然唔少得椰浆同埋芒果酱。呢个甜品最正系个糯米饭，好黏好糯，好食过我喺泰国食嘅糯米饭，我既食法就系每样都沟少少一啖摆落口，一次过食到几个唔同层次嘅味道。芒果蜜糖吐司：呢个就要等耐少少，因为即叫即做新鲜热辣，个蜜糖多士一上嚟已经香喷喷，仲要系厚多士𠮶只，焗到刚刚好，多士入面仲有糯米饭同埋椰汁雪糕，再淋埋佢哋个椰浆同芒果酱，超级好食一啲都唔漏。我上网睇呢间甜品舖好似暂时未有分店，所以要食嘅朋友都要嚟北角，但都值得，
好多芒果甜品选择，真系想样样都试下可惜冇咁大个胃，唯有下次再嚟多转。
太多选择，有选择困难症
依间都系主打甜品，如果想食其他热食，都可以一齐叫埋佢哋隔离间泰国菜馆，佢哋话地方系共用嘅，但就唔知系咪同一间公司，不过咁样几好又可以食甜品又可以食正餐。
我叫咗个超级芒果狂热，因为呢个有几款唔同芒果嘅甜品喺入面，可以试多几款。入面包括由糯米饭/芒果布甸/泰国芒果/芒果雪糕组成，仲有一大达cream，最后当然唔少得椰浆同埋芒果酱。呢个甜品最正系个糯米饭，好黏好糯，好食过我喺泰国食嘅糯米饭，我既食法就系每样都沟少少一啖摆落口，一次过食到几个唔同层次嘅味道。
芒果蜜糖吐司：呢个就要等耐少少，因为即叫即做新鲜热辣，个蜜糖多士一上嚟已经香喷喷，仲要系厚多士𠮶只，焗到刚刚好，多士入面仲有糯米饭同埋椰汁雪糕，再淋埋佢哋个椰浆同芒果酱，超级好食一啲都唔漏。
我上网睇呢间甜品舖好似暂时未有分店，所以要食嘅朋友都要嚟北角，但都值得，因为真系好好食
张贴
