迦米泰式小食 (已搬遷) 新店位置

每次都特登去北角食呢间泰国菜，地道泰菜好味又价钱吸引，店内只有2张二人枱及1张四人枱，所以要等位，外卖单都好多，好受欢迎。猪、鸡肉串烧 好沙嗲汁系灵魂，超级无敌好味，猪同鸡肉都腌得入味，烧到好香口，沾沙嗲汁好正，有好多香料味，仲有椰香，好泰式。菠萝鸡肉炒饭用新鲜菠萝肉，唔太多汁，但好岩炒饭，口感会干爽d，炒饭加肉松更香，份量都大碟。炒通菜 少辣都好辣呀，食完出哂汁，但好香好惹味，食唔停口，通菜好爽脆。芒果糯米饭 芒果好香甜，果肉结实口感好，糯米饭上的椰奶调味，咸咸甜甜好泰式，令人挂念的泰式甜品。青柠梳打好有泰国风味，青柠够酸，加入梳打水，好清爽，拣左加糖，好好饮。