活一鮮 (已結業)

经朋友介绍就黎左北角潮圣一下活一鲜，佢极力推荐呢间餐厅，表示好欣赏佢地既刺身同小菜，所以见有时间一定要慕名而来！餐厅既座位唔算好多，但都有吧枱坐，不过就得几个位，如果想同朋友坐得close啲倾下密计，吧枱系一个好选择！见到餐牌上面既野食都有好多，今次就拣左佢地既芒果三文鱼天妇罗卷，厚烧玉子，苦瓜炒鸡肉同特上活一鲜丼。第一样上既菜系特上活一鲜丼，卖相相当唔错！刺身铺满成个面，可见真系好料，份量好多，平时食开嘅刺身呢个丼都有，每样都有小小，岩我呢啲乜都想食既人😂而且佢地啲刺身都好肥美，仲要系厚切，连海胆都有，无得输，食完一啲都唔会觉得泄底，回哂本！另外叫左个芒果三文鱼天妇罗卷，呢个卷好特别，食到一种外脆内软既感觉，脆卜卜既外皮再既配里面既芒果同三文鱼，成个口感都好fresh！芒果唔会好酸，配埋啲酱同三文鱼原来可以好夹，食完一旧想食多旧！再黎既系厚烧玉子，果然真系好厚身，而且系金黄色嘅外表，同平时食过既玉子烧有些小唔一样，除左面头刻住餐厅个名之外，里面仲落左啲葱调，好香！最后系苦瓜炒鸡肉，本身钟意食苦瓜嘅缘故，觉得呢个菜好出色，炒到啲瓜同鸡肉都好入味！食左咁多济胃既野，再食下苦瓜都系一个唔错