影片
更多
2024-03-05
2416 浏览
📌 高丽轩韩国餐厅 - 北角和富道20-36号明晖大厦1楼🗓(2/3) 星期六 ⏰ 中午12:30左右 💈特式：呢间韩式系北角都有好多年历史，住当区嘅人都应该无人唔识，我之前都有食过几次，今日就特登带埋朋友过嚟食。🥩🍔🌭🌮🥗🥯🥘🍲🍝🍣🥟🍤🍱食物：佢地经营模式类似韩和苑之类，放题只系一个价钱任食，无话分级数收费，平日就$1️⃣9️⃣8️⃣，星期六日就$2️⃣1️⃣8️⃣，而家等我同大家讲下🇰🇷🔥味道先。食物种类大约有4~50款，包括烧烤嘅牛/猪/鸡/海鲜/蔬菜，仲有唔少熟食/汤锅/前菜等等。因为咁多选择，等我主力同大家讲下我最推介或者抵食嘅回本位啦：🐮牛肉方面首推特级牛颈脊，以呢个价钱，肉质算十分好，另外牛舌同腌牛肉都系正常韩烧质素，中规中矩。🐷猪肉我就试过猪颈肉/辣汁五花腩，两款水准都正常，可以一试。🐔鸡类我净系试左鸡翼，但估唔到腌得相当好，系众多肉类之中最好食嘅野，真心推介。🦐海鲜就一定系要狂食蒜蓉帆立贝同海虎虾，帆立贝非常新鲜，我地一人差唔多食左10只，不过有几只偏大只嘅就有沙，呢度扣左少少分；海虎虾就正正常常，不过上菜时大只时细只，质素唔系好同一。熟食就反而系我食得最多嘅野，因为真心每款都做得好出
🗓(2/3) 星期六 ⏰ 中午12:30左右
💈特式：呢间韩式系北角都有好多年历史，住当区嘅人都应该无人唔识，我之前都有食过几次，今日就特登带埋朋友过嚟食。
🥩🍔🌭🌮🥗🥯🥘🍲🍝🍣🥟🍤🍱
食物：佢地经营模式类似韩和苑之类，放题只系一个价钱任食，无话分级数收费，平日就$1️⃣9️⃣8️⃣，星期六日就$2️⃣1️⃣8️⃣，而家等我同大家讲下🇰🇷🔥味道先。
食物种类大约有4~50款，包括烧烤嘅牛/猪/鸡/海鲜/蔬菜，仲有唔少熟食/汤锅/前菜等等。
因为咁多选择，等我主力同大家讲下我最推介或者抵食嘅回本位啦：
🐮牛肉方面首推特级牛颈脊，以呢个价钱，肉质算十分好，另外牛舌同腌牛肉都系正常韩烧质素，中规中矩。
🐷猪肉我就试过猪颈肉/辣汁五花腩，两款水准都正常，可以一试。
🐔鸡类我净系试左鸡翼，但估唔到腌得相当好，系众多肉类之中最好食嘅野，真心推介。
🦐海鲜就一定系要狂食蒜蓉帆立贝同海虎虾，帆立贝非常新鲜，我地一人差唔多食左10只，不过有几只偏大只嘅就有沙，呢度扣左少少分；海虎虾就正正常常，不过上菜时大只时细只，质素唔系好同一。
熟食就反而系我食得最多嘅野，因为真心每款都做得好出色，例如蛋包虾/辣炒五花肉/什菜炒牛肉/豆腐辣汤/牛肋骨汤都系佳作，尤其是个豆腐辣汤，我地叫左4锅都清晒。
辣豆腐汤
93 浏览
0 赞好
0 留言
🍧甜品就有雪榚任食，不过就系我唔钟意食嘅coco berry，但我见到食lunch set嘅客人有跟餐啫喱，我问职员攞佢地都好乐意比。
☕️🍵🥤🧋🍺🍷🥃🍹🧉🍾🍶🥛
饮品 : 跟餐就系出面雪柜自取，有普通罐装汽水同茶，而且仲有雀巢蜂蜜雪梨茶，我主力都系饮呢个。
🍽环境：餐厅因为都有一定程度历史，所以并唔系话好新净，不过都系可接受程度，但灯光就偏暗，当日咁啱比左窗口卡位，可以望下街景都唔错。
🤵🏻🤵🏻♀️🤵🏻♂️服务：餐厅服务就真系几好，d楼面姐姐好有人情味，会走过来撩吓你讲嘢，同埋换烧烤网都主动，上菜速度都算快。
💰💸价钱：佢两个价位我都有去食过，平日就$1️⃣9️⃣8️⃣，假日就$2️⃣1️⃣8️⃣，两个价钱都要再收加一服务费。
🐲💬总结：我觉得呢间韩烧有得咁耐历史，一定有佢可取嘅地方，虽然就并唔系咩十分出色，但都算系三五知已聚脚嘅好地方。
推荐指数：❤️❤️❤️❤️🤍
张贴
