La Kaffa (已結業)

约左朋友交收，为方便佢由观塘过港岛，就约左佢享北角食晚饭。上OR见到La Kaffa好评都几多，一于入去试下。其实有个二人dinner set,但太多野食唔想浪费，所以散叫。带子卡邦尼长通粉。带子煎得半熟几香，长通粉质感都好好，芝士味浓但晤会好章唔会好咸。香烤德式猪手配酸菜及薯蓉。原只猪手上好有挑战性，以为好难切但原来ok的，但当然唔Pro啦。猪手好香腌得啱啱好，块皮脆肥膏唔会太多，食落唔漏。酸菜都真系几酸下，可以中和啲肉。至于薯蓉就偏咸少少。另外叫左芒果绿茶同咖啡，味道ok!餐厅好有格调环境舒服，系一个唔错嘅聚脚选择。