金樂軒雞煲魚鍋

营业中

休息中

朋友住附近，话呢间一直bookmark但从未去过，餐厅主打鸡煲同鱼锅，除此之外更提供多款经典小炒菜式，感觉有啲似大排档。店内有大圆枱同卡位坐，见唔少熟客入去食，应该颇出名，店员服务态度亲民，十分有礼貌，唔知食咩嘅可以叫佢哋推介，未食已经对呢间影响深刻。天气太热冇要到煲，叫咗几款小炒试试。黑醋小排骨，又淋又滑又入味，轻轻咬开就可以，老少咸宜，另外酸甜度适中，超有惊喜，配饭一流。烧汁什菌牛颈脊，有成8-10大块，偏厚切，口感肥嫩，带嚼劲，牛香味突出，配上什菌一齐炒起，中和整体油腻感，值得一试。炒菜款式都有唔少选择，怕肥嘅可以叫上汤，我哋要咗椰菜花，成锅上，咋咋声，新鲜滚热辣，炒至入味，比想像中无咁油，旁边仲有洋葱同肥肉拌住食，呢款性价比都几高，整体质素唔错，会话值得约一大班friend过嚟食返餐。