SPOON

营业中

休息中

最近去咗炮台山嘅西餐厅 SPOON，呢度全日免加一，价钱抵食之余，仲要好好味，性价比超高。杂锦小食拼盘$128有薯条、鸡翼、炸鱿鱼筒、炸洋葱圈同BBQ烤猪肋条，真系非常丰富。每样小食都煮得啱啱好，尤其是炸鱿鱼筒同炸洋葱圈，外脆内嫩，真系好味到停唔到口。烧粟饲法式猪鞍8oz伴鲜果莎莎酱烤杂菜及烧薯角 $132呢个猪鞍真系超级厚身，烧得好香，而且食落非常嫩滑同Juicy，配埋鲜果莎莎酱，味道层次更加丰富而且非常开胃，烤杂菜同烧薯角亦都系啱啱好，系一个相当满足嘅主菜。蒜溶牛油烧大虎虾伴香蒜辣椒扁意粉$128扁意粉加入生蒜同炸蒜，超香仲有𠮶啲带少少辣嘅感觉。大虎虾煎得好香，肉质鲜甜，与意粉一齐食，绝对系一个完美嘅组合。