店小二

营业中

休息中

朋友带我去咗北角嘅店小二食镬气小炒，叫咗以下菜式。避风塘爆茄子：好多炸蒜，超级惹味。茄子外脆内软，入边仲好Juicy添。蒜蓉素翅蒸扇贝：用素翅代替粉丝，更加有咬口。扇贝啱啱熟，所以质感好软熟，一啲都唔韧。万字酱油鸡：豉油味好香，味道有层次感。鸡皮算薄皮。鸡肉嫩滑多汁。最底层仲有啲铅笔菇，咬落爽口，同酱油味都好夹。黄金虾两食：黄金虾有五大只，蛋黄香浓惹味。佢仲有几旧牛角包，比你配埋中间嘅咖喱一齐食。呢个菜式上枱嘅时候都几靓。自己好钟意食咖喱，就自创将啲咖喱配埋黄金虾一齐食，其实都几夹咖。梅菜蒸菜心豆腐：梅菜唔会过咸，放喺菜心同豆腐面蒸，增加味道层次。豆腐好滑。菜心都好幼嫩。