十二味 (和富)

营业中

休息中

之前其实都去过尖沙咀旗舰店，北角点相较之下系比较细，但装修一d都唔马虎，店铺整齐带点中式客栈元素。同内地好多店铺一样，可以用台面上既QR code点餐，非常方便。上菜速度亦非常快，最欣赏叫甜品-冰粉既时候系可以拣后上，以免放耐左变得唔冻。蒜泥青瓜原本以为凉菜小食会好细碟，点知份量系非常大，手掌大小既盘上满满都西青瓜。青瓜系放左系雪柜雪冻左先拎出黎，食落非常清爽，加d蒜蓉令整道菜无咁单调。口水鸡有不同辣度可以选择，原本怕拣小辣会搞到无咩麻既味道，但呢个口水鸡系小辣得黎又比你食到麻既果种过瘾。 只鸡本身煮得恰到好处，非常滑溜，虽然辣，但都食到鸡原本既鲜味。酸菜鱼招牌酸菜鱼系一定要叫，个碟系非常壮观，上面全部都系鱼，而且仲帮你去晒骨，鱼质亦好嫩滑。酸菜鱼建议叫中辣，味道会balance d，汤底系非常浓厚。除左鱼之外，仲有菇、旬、菜等配料。冰粉之前系大陆食探鱼深深爱上左冰粉，自此之后每次见到都会叫黎食。呢度既冰粉应该系我食过最好食既冰粉，首先冰粉非常滑溜，其次一般既冰粉可以只系依靠d提子干黎调味，但呢度既"汤底"系用菊花煲既，食落有非常清香既菊花味道，d提子干再提升冰粉既甜味。