東泰茶餐廳

营业中

休息中

如果大家熟识北角，七姊妹道系茶餐厅的必争之地，只系近健威坊一带已经可以有4-5间茶餐厅。今次要介绍系OT界的饭堂东泰茶餐厅，门面望落绝对系唔讨好，但佢最令人讨好的地方系几夜佢都仲开紧。有时我OT到12点谂紧食下野平衡心理之际，周围都已经黑暗，只有东泰仲系灯火通明，的确系令人霎时感动。讲番食物，其实质素绝对唔差，只少对得起个价钱。其中推介东泰的蒸肉饼，呢度的蒸肉饼系即叫即蒸，所以比其他快餐小菜都会耐D。另外味道唔会过咸，加埋豉油同咸蛋黄岩岩好。最紧要系肉质，肥肉同瘦肉比例合适，所以食落去够滑唔鞋，仲要无雪味，又唔会落太多肥羔，所以系呢度其中一道出色的菜式。最后呢度系包汤同饮品，汤首推西汤罗宋汤，足料无味道，而冻饮大大杯，晚餐都系60至70水位，可以话系北角宵夜界饭堂首选之一。