甘饕 (已結業)

昨日到铜锣湾买嘢，途经镛记后人嘅烧鹅专门店 "甘饕"，系门外厨窗见到挂满唔同烧味，十分诱人！餐牌里都有几多选择，包括招牌烧鹅/烧味、卤水、特式捞面、煲仔菜、小食，以及二人/四人套餐，款式唔错。甘饕烧鹅烧鹅以秘方炮制而成，外皮香脆，入口松化，肥瘦均匀，外脆内嫩，皮下油脂丰富，带有烟熏味道，所以食起嚟又香又脆又多汁，用来送白饭或者爽滑濑粉都咁夹。大少叉烧煎蛋饭  依度啲叉烧好独特，用三个部位来制作靓叉烧，叉烧分3大类 : 第1款系大少叉烧(用梅头猪肉)、第2款系肥㶶叉烧(用五花腩肉、第3款就系蜜汁叉烧(用瘦猪肉)。依碟系大少叉烧，第一次见咁厚切嘅叉烧，梅头肉软腍有咬口，肉质鲜嫩细腻，煎蛋脆口，淋上洋葱酱汁，口感丰富，推介！配埋个白灼时菜，简简单单碟蚝油菜心，解腻一流  ;  而老火汤系每日唔同款，好有住家汤嘅味道，当日系合掌瓜苹果煲猪展，非常清甜，健脾解燥，滋润美味。配埋冻同热柠茶，茶底香浓解腻。