OM Tapas (已結業)

朋友生日谂住食好西啦。已经早左廿几日订枱。但食饭前几日餐厅打黎confirm booking 话得番high table, 咁我早咁多book都唔知做咩，当就番餐厅operation就算。去到当日，原来有两批各十几人既人Xmas gathering, 唔怪得得番high table俾我地啦。之后谂住俾个蛋糕餐厅雪住，待应竟然覆雪柜无位，我真系呆左🤯，我惊我英文唔好，咁等朋友黎到再问啦，待应既回覆系，因为黎Xmas Gathering 既人带左好多酒黎，所以个雪柜雪晒D酒，无位雪个蛋糕。完全不能理解，酒可以一路饮一路雪，唔够冻咪俾冰桶雪住啰，但系蛋糕唔雪会变，有机会食到人唔舒服肚痛。人地有俾开瓶费，我系餐厅食蛋糕都要俾切饼费者。之后惊蛋糕变坏谂住食左蛋糕先啦，待应话要叫两个甜品先可以free左个切饼费，餐厅劲唔识变通，已经无位俾人雪住个cake, 仲要收人切饼费。食左咁多年生日饭，都未试过话餐厅个雪柜会无位俾人雪蛋糕。之后成餐饭个蛋糕就放左系枱面。食完都唔想系入面食，拎左去第2度食，但D cream都溶溶地，最后食左两啖就无食个cake, 惊食完会唔舒服。