SENSU (荃新天地) (已結業)

今晚(2024年1月19日）晚上七时经开点心廊，本来想试吓佢哋嘅点心放题，当时见到店𥚃只有一张枱（2位）客人食紧嘢，我哋跟门口嘅职员话「2位唔该」，职员问我哋有冇订枱，我哋话冇，跟住职员小姐就以好冷漠嘅态度话「冇订枱就冇位」，跟住我问如果依家想订得唔得？佢话唔得，如果要订就要经OpenRice，就算直接打电话去餐厅订枱都唔接受。当时已经系晚上七点，全间餐厅只有一枱客，我哋心谂唔通咁桥全部客人订咗枱都未嚟？后来我哋去咗另一间餐厅食饭，食完饭我哋再经过点心廊（差唔多八点几），见到餐厅𥚃面完全冇客人，而职员开始执嘢好似想关门咁！我上OpenRice睇过营业时间到2200！真系唔知点解我今晚有咁嘅奇遇，啲客人咁快七点后到但八点前已经走哂⋯⋯😓