十三少 (已結業)

最近见到好多媒体介绍「十三少」嘅酸菜鱼，趁周末唔使返工，专登去试下。原来餐厅喺港九新界都有分店，真系「区区有鱼食」，今次就拣咗嚟坚尼地城呢间。门面很别致，古色古香，流露出浓浓嘅中国风。店内设计亦很有特色，睇得出餐厅无论喺设计同布置方面都下咗唔少功夫，融入了许多传统嘅文化元素。除咗主打嘅酸菜鱼外，其实餐厅仲有唔少经典热菜、麻辣干锅、酱香锅、小吃、主食及甜品等供应，选择好丰富。我哋点咗凉拌土豆丝、酸菜鱼、干煸四季豆同红糖糍粑。薯仔丝好爽身，薯味清甜，入口清新爽脆，一点也不油腻，好啱夏天享用。热卖嘅酸菜鱼接著送上，哗！劲大份，除咗鱼肉外，碟内还放入了不少酸菜、莴笋、菇片和白萝卜，用料十足。鱼肉以新鲜鲈鱼切片煮成，大件又厚身，细骨唔多，嫩滑又有弹性，完全无腥味。酸菜好醒神，又酸又麻，但食落一点也不死辣，配上鲈鱼骨汤，集鲜、酸、辣、香于一身。四季豆可以自选辣度，我哋拣咗小辣，啲豆炒得够晒火喉，镬气十足，入口干身不油，爽脆又无渣，夹埋啲肉碎一齐食，味道一流！红糖糍粑亦做得很不错，糯米外层炸得好香口，食落外脆内软，面头洒咗一层黄豆粉，再配上秘制嘅黑糖，入口甜丝丝，用嚟做饭后甜品就最适合不过。