十一冰室 (已結業)

今天同朋友行完山，我返嚟湾仔差不多下午茶时间，就谂住等阵去食下午茶，上OpenRice见到呢间冰室就去试吓。去到只系2:20 ，但职员十分友善，叫我地先入去坐低够钟先至叫嘢食。本来我哋谂住喺出面等废事阻住佢做生意，但系佢话唔紧要，咁我哋就入咗去坐到够钟就落order。其实佢午市套餐1:45后入座都有折头，几好。我哋叫咗一个鸡翼西多士，另外叫咗个邪恶嘅炸鸡髀薯角，餐饮冻柠茶，我就叫咗杯热奶茶。𠮶个炸鸡髀真系好好食，啲肉好嫩滑，同埋即刻炸起好热好好味，值得推介。杯热奶茶亦都好滑好好味，正。啲装修亦都好有怀旧气息，会再回头。