大一海鮮火鍋料理 (已搬遷) 新店位置

细细个就好钟意食西餐庆祝圣诞节 🎄，觉得特别有气氛。但大个左同老公都老夫老妻，就发现用起码两倍嘅价钱食同一样嘢就好儍仔所以呢好几年已经转左食其他菜式贺圣诞，今年就拣左“大一”嚟打边炉喇。第一次帮衬，地点就脚好易揾，系一座颇旧嘅商厦二楼。我同老公比订枱时间早左到，安排坐好就睇下食乜先。汤底拣左招牌“金汤腿翅窝”，好大个石窝，但睇下好似平平无奇，等滚起后捞下，发现都好多翅同有半只鸡加西班牙火腿骨。饮啖汤……好鲜甜，我同老公可以各食到两碗翅，食完翅同鸡再饮左两碗汤，其实已经饱左一半。要试牛喇，油花均匀，有牛味冇渣好滑猪切得薄薄的，一渌就食得，味道呢都OK，冇乜太大惊喜马刀贝就几大只好鲜甜，好味，有两只烚耐左都好嫩滑芝味响铃整得好薄，好多层，烚三秒食好正呀冬瓜就煲左好耐都未好“林”，可能窝太阔啩个女王粉系店家自家制，似河粉+薯粉，口感滑滑QQ的，都几得意嘅总括嚟讲都唔错，饱到顶住个肚