十下火鍋

之前听朋友讲起铜锣湾有间打边炉既餐厅，装修好怀旧，好似系大排档打紧边炉既滋味，今日下午就同朋友慕名而来，都见外面都有几个人等紧佢开门！排左一阵店员就好快手安排左2人坐位比我地、店员推荐我地2个人可以食个十下2人套餐，咁我地二话不说就话好！👍👍 说时迟那时快，店员已经送上超香菇味既火锅汤底比我地，我地拣左双拼既汤底：清炖山药菌菇汤&养生豆乳白锅！等左6-7分钟左右个汤底就滚起啦！当然第一时间饮左个汤底先，超香浓既菇菌味，好清甜！而另一边就好有豆乳味道，饮完都觉得自己皮肤会白左咁！😁😁😁首先我地先落左粟米，萝卜等佢地慢慢滚起，再落鸡肉，陈皮鱼蛋，流心粟米丸同三星葱贡丸，鸡肉好嫩滑，带有少少酒味，食完陈皮鱼蛋令我念起企系街边食鱼蛋个种感觉！ 凤城水饺🥟就好足料，有虾，木耳同猪肉十分爽口。鸭血就好滑，一咬开就好快滑左落去喉咙度、另外个响铃系打边炉极力推荐既食品，连同埋个萝卜索晒个汤味超爽！三宝滑就好似出奇蛋咁，一次过可以试晒3款口味，店员好细心咁帮我地分落埋个汤度，仲帮我地拨走埋d 飘铃！非常贴心既服务！最后主打出场，落埋个大刀手切牛，灼一灼就食得，个肉好重牛味，十分嫩滑，正！配埋宽冬粉一齐食