酒燒弄 (已結業)

食串烧唔一定系夜晚嘅专利活动，只要心中想食，掏空你个胃，加上附近有间啱心水嘅串烧店，点解仲要等天黑？呢间好日式嘅串烧店，日头都有做午市由于大胃太赶时间，冇时间犹豫拣咩串烧，于是嚟个十串餐就啱晒！包括有芝士年糕、鸡肾、鸡翼、鸡膝软骨、鸡颈肉、极品牛舌心、和牛上肩柳、黑豚芦笋卷、茄子、翠玉瓜茄子同翠玉瓜烧得有韧性，保持到水份，洒上胡椒同酱油，就算系蔬菜都好出色鸡翼烧至金黄色，外脆内嫩，流晒肉汁，不得之了鸡肾卜卜脆，又弹牙，鸡颈肉其实系稀少得嚟，又真系好有鸡肉真正嘅味道，黑豚芦笋卷系双主角，大家相映成辉，又爽脆又香口鸡膝软骨毫无多余脂肪，非常有嚼劲，极品牛舌心烧得一啲都唔干，厚度刚好，有足够弹性，又扣得住味道，和牛上肩柳牛味几出，点wasabi豉油食，更加滋味芝士年糕唔会厚粉，芝士好流心好多，食真系要睇热午市当然有丼饭啦，头先嘅牛舌同和牛太精彩喇，嗌多碗丼饭版都无可厚非。丼上和牛色泽红润，牛味渗入米饭之中，牛舌嘅香，大胃只想分开享用，唔想捞饭食。用泡菜捞饭都已经够过瘾，因为米都唔错加$5有杯大大杯果茶，都几抵饮，茶够浓，桃味出水吧都冇揸流摊，就算系柠水都系大大杯