十二味 (卓爾廣場)

营业中

休息中

近排成日都有食辣瘾， 但系因为疫情嘅缘故都唔想出咁远，所以近近地揾咗间喺屯门嘅川菜餐厅谂住止下瘾。两个人食唔到多嘢，都系叫咗个前菜先。降龙爪爪个名好霸气，入边啲𩠌用串串起佢，最正一定系个无骨凤爪，腌得好入味，佢个辣油香料味重，好食唔够喉。鹌鹑蛋都系呢道菜嘅主打，个黄够rich，配埋个辣汁好match.主菜叫咗武隆尖椒鸡，将鸡切成一细旧，同尖椒一齐炒，因为买外卖嘅缘故，啲𩠌都冻左，自己开炉再炒炒佢，成个厨房都系𠮶种四川风味😌，辣度都几劲，食开谭仔10小可能顶唔住，鸡肉肉质ok，好惹味，送饭好岩，椒同鸡既比例大概一半一半啦。食完啲咁重口味嘅嘢，都系要返啲清爽嘅嘢中和下，冰粉就一个好嘅选择，佢呢个系桂花味冰粉，上面再加少少果干。冻冰冰咁好解渴。