十二味 X Bamboo Bar (德己立街)

营业中

休息中

十二味试过好几间，包括北角同西环分店，呢间中环十二味就第二次黎。上次黎已经系上年十月，当时刚刚开到黎中环，午市超多人超长龙。今日收工黎试下晚市先。晚市冇做午市优惠套餐，我地今晚决定食小食为主，叫左几份撸串同川式口水鸡。要用QR Code落单。川式口水鸡 $78+10%川式口水鸡可以拣辣度，我地拣左小辣。口水鸡卖相好靓。鸡件份量唔少，有十二件，有鸡胸同鸡脾肉，都好瘦，鸡皮都冇肥膏，好有弹性，鸡胸肉唔韧。上面加左d花生碎，白芝麻同葱花。下底垫左少少青瓜丝。小辣都颇辣。呢个份量抵食。新鲜肥牛串 （1份） $40+10% 羊肉串（1份） $42+10%新鲜肥牛串同羊肉串可以拣唔辣或者唔同辣度，我地拣左微辣。每份有五串。羊肉同牛肉好似样，味道都系，食完分唔出边样系边样，羊肉好香，肥牛串同羊肉都系半肥膏半肉，调味几好，好有串烧风味，又唔辣，上面加左好多五香粉，葱花同白芝麻调味。鸡胗小串 （1份）$17+10%鸡胗即系鸡肾，呢串试下唔辣先。虽然d肾细细旧，不过都有咬口，味道唔错。$17都算抵食。调味一样系五香粉，葱花同白芝麻。室内装修都好中式，影相唔差。个笑脸主要系俾口水鸡既。