十二味 (LADDER Dundas) (已結業)

又系加班嘅日子，放工即刻约埋同事那那声去医肚先，最后我拣咗去「十二味」食大大盘嘅香锅，呢个锅我已经食过好多次，可以根据自己嘅口味配搭唔同嘅食材，单单食材已经多达三十几款，而所有𩠌都可以拣辣度/唔辣，啱晒我唔食得辣嘅同事😆秘制酱香锅自选食材我地拣咗鸡翼、卤水肥肠、鹌鹑蛋、土豆同宽粉，每个香锅上都会洒上白芝麻、芫茜同脆豆，食落特别香口，单骨鸡翼经炸过后，个皮脆脆地零舍入味，卤水肥肠干扁后外面脆里面软腍带少许脂肪，食多几旧亦唔会觉得油腻，土豆切条，每条都裹满白芝麻同酱汁，香脆内软，粉粉嘅口感非常好食😋香锅必点嘅宽粉，烟烟韧韧又Q弹，同香浓嘅酱汁绝配👍🏻川香回锅肉份量十足大大碟，半肥瘦嘅五花腩加入香葱同京葱去爆炒，够晒镬气，五花腩食落一啲都唔会觉得肥腻，油份已经迫出，弹牙有咬口，用黎送饭一流黯然销魂炒饭炒饭干身粒粒分明，火候十足，材料劲丰富，加入虾仁、豆角、肉碎、蛋、红萝卜同雪菜，虾仁新鲜爽口，豆角爽脆，每一啖都食到唔同嘅材料，口感丰富而有层次📍十二味 (LADDER Dundas) (旺角)旺角弥敦道575号LADDER Dundas 2楼人均消费：$200-300食物：⭐️⭐️⭐️⭐️⭐️环境：⭐️⭐️