英輝咖啡屋

营业中

休息中

夜晚要去牛池湾文娱中心看彩排﹐之前当然要医肚。打算上牛池湾街市熟食档﹐点知3楼全层装修紧﹐无野食。仲以为要挨饿﹐幸好得到友善的街市员工指引﹐原来街市后的金池径都有唔少食店。因为时间上都几紧逼﹐又无谂过食乜﹐见有间叫英辉咖啡屋﹐就走左入去。呢间基本上系一间类似冰室的旧式茶餐厅﹐环境麻麻﹐不过残旧得黎又几有亲切感觉。餐牌系传统式“摄”于台面玻璃底的﹐可见上面的电话号码本来只有7个字﹐2字头系后期手写上去的。香港系几时开始电话号码转为8个字﹖已记不起。速战速决﹐要左$25 一碟咖喱牛腩饭连冻饮兼送中式餐汤﹐晚市黎讲价钱实在无可挑剔﹐所以都有唔少街坊帮衬。餐汤咸咸地无甚味道﹐只见汤底有唔少胡椒碎﹐似以前的快餐店餐汤唔够卖﹐加水后“加料”的做法。已经多年无饮过呢种“唔汤唔水汤”了。咖喱牛腩饭﹐饭同咖喱牛腩系分开上的﹐饭算有饭香﹐不过似乎略为硬左少少。咖喱汁唔够浓﹐入面有青椒同洋葱丝﹐颜色﹑质感至味道都似葡汁多过似咖喱﹐牛腩味香但颇韧﹐反而牛筋做得几出色﹐可惜只有两三块﹐而薯仔则似湿水炸薯。呢个咖喱牛腩饭以今时今日的水准黎讲﹐真系几难食的﹐但难食得来又令人感动﹐就似食惯XTC的Vanillia M