十人十色 (已結業)

讲起lee间十人十色就真系一肚气啦!!我同屋企人试过去食佢地既午餐都觉得唔错重无意中去洗手间个时发现原来佢地有间VIP房,环境都几好,于是我地就走去问下个经理P先生有冇最低消费,佢话千五蚊.听落都几合理,于是就决定系到搞个生日会啦!!当日一行十人去食,经理话帮我地安排食物叫我地唔洗担心,因为我地都系饮酒之人所以经理话帮我地搞d啤酒一jar jar上平d做比我地.我地食得同饮得好开心但一到埋单就吓死人.张单一黎到一睇...多谢七千蚊!!重要冇写明我地食左d咩,饮左几多酒!!哗!!系唔系当我地饮酒饮到傻左呀,我地即刻嘈晒话冇可能,叫佢check清楚先好再入黎好啦搞左一阵个经理入番黎话而家五千蚊,咁我即刻问佢咁头先个二千蚊边到黎既,佢话唔出话因为佢系经理所以可以帮我地减d wor,笑话!!我又唔系咩VIP又唔系你亲戚有咩情况下可以咁好死减二千蚊呀??跟住我话如果系咁既话唔该你话我知你从那里扣二千蚊出黎架?经理完全答唔出,点解?因为佢地以为我地饮左酒傻下傻下咁可以写多d冇人知law!!真系好过份,重要张单只系写刺身费几多钱,咩杂费几多钱咁架咋!!!大家如果去食记得check单同小心呀!!