喵星球 (已結業)

之前想去猫cafe玩下猫猫，朋友带我上去。佢成日都会揾唔同猫狗cafe去玩，因为自己屋企唔养得，唯有去cafe同佢地接触下啦。喵星球系朋友去过话最多猫嘅一间cafe,大概有10只以上嘅猫猫，咩野品种都有，长毛短毛都有。虽然cafe冇熟食，但系就包饮品，可以拣和式花茶/汽水果汁。$108当入场费送饮品其实好抵。我地拣左茶，全天然水果茶，虽然同我想像唔同，不过味道都系清新，干果浸软左之后好好食,有惊喜。Cafe 环境好好，好新，好多比猫玩嘅设施。猫猫有好充足嘅空间去玩同休息。亦有位置比我地放袋，唔怕比猫猫找到。每只猫猫都好靓好干净，我地上去咁岩都撞正店主带猫猫出去冲凉。虽然猫猫唔系好肯同人影相，不过唔会唔比你摸，唔会只只瞓晒觉，只只都好精灵周围行，食野饮水，玩玩具。店家仲提供即影即有比我地同猫猫影，影到同猫猫合照$10完全唔贵。Cafe仲有个corner放左好多猫猫精品，postcard等等，仲有手作。呢只灰灰系产品sale,成日企系到做生招牌😂Cafe 仲有会员制，去一次有一个印，去够十次就free一次，咁可爱猫猫好易去够10次啦。