麵麵店 (已結業)

之前见网上介绍这新派车仔面店，有我爱吃的狗仔粉又加上明星效应，今日bunch就一试面面店吧。一甫进店，店员指示我俩坐到落地玻璃窗前4人枱的一边。接著当然点了狗仔粉，还有4𩠌车仔面餐+半价饮品红荳冰和咖央油炸鬼。坐不够5分钟突然有水滴到我手背上，眼见水keep住滴便告知店员，佢示意我坐出一个位，我老公就坐到主席位，但对面已有人坐所以会太逼，我便要求换枱。其中有位店员似乎力有不逮，唔知点样处理因为其他客人入到黎又自动波坐低，安排唔到位置俾我地，之后佢去揾店长，店长叫佢自己搅掂啦，哈～真吹bb。成功转枱后冇耐，野食陆续到喇。狗仔粉 - 汤底系好鲜味，丧加辣菜莆，系唔错但份量偏少。车仔面 - 老公唔好辣拣清汤，真系清到哩⋯⋯普通𩠌味道就更普通，鱼片头似鱼片多d㖞～半价红豆冰 - 有目共睹，只杯细到呕，奶水渐大部分，差。咖央油炸鬼 - 够脆够热味道不错，4小旧收$27我又觉得唔太值。总括黎讲，店员欠经验，位置坐得密密麻麻但冇用心记住人客组合，经常问客人知否隔离位系咪走咗。安排失当，冇人收钱，混乱非常，绝对需要再培训。未必会再帮衬。