頤之味 (已結業)

今晚一行八人谂住试下九号水产内的餐厅，因为之前看poster宣传一直满心期待。没有预先订位，谂住入到去睇下边间好就食边间。结果发现人根本唔多，完全无订位需要。行到呢间餐厅，见到经理不断介绍刺身点样新鲜，结果完全中伏。所谓嘅新鲜完全食唔出，粒贝刺身仲有腥味。餐牌大部分系刺身，熟食得几款又唔吸引。重点系刺身完全唔特别，埋单二千七百几好似无食过嘢咁。好唔满足，结果要去附近食多碗越南河粉先有饱感。从未写过食评，第一次就献俾呢间嘢，真系真心觉得好不知所谓。连一碗miso soup都唔够热，一支500ml水收$28(无普通水供应）。贵真系唔紧要，但要值啰，从未试过食完一餐饭系咁唔满足的。因为食得太唔满足，完全无影过一张食物嘅相，得张单。希望大家去之前考虑清楚。不过都要讲，成晚个鳗鱼饭系最好食，或者大家可以只系食个鳗鱼饭啰。