利苑酒家 (洗衣街)

营业中

休息中

话说小弟系一名利苑酒家嘅超级死忠粉丝，平时去开沙田同观塘分店最多，中环分店亦有帮衬过，今日放假一早有要事去旺角办理，所以见附近佢哋有间分店就入去饮茶，一入到舖头上紧楼梯近大鱼缸位置已经闻到好大阵烟味，坐低位置咁啱又响风口底下，个风口又系咁喷一阵阵烟味落嚟，因为当时都比较肚饿念住快啲食完快啲走所以都唯有死顶！每次都会叫我超喜欢食嘅卤水掌翼，因为食过无数咁多间，得利苑嘅最有质素，而利苑响我心目中系叫乜都咁好味亦有极高嘅质素！但今次体验令我完全改观！碟卤水掌翼直头可以话系极差！！！第一眼望落去己见好多毛未清晒，第一口咬落去块皮超韧，几经辛苦咬开块皮之后到啲肉，居然又硬又韧不特止，完全无味，食咗两口之后唯有放弃！呢啲咁嘅质素居然会出现响利苑度！十万分失望！！！经过今次嘅体验，虽然呢间旺角嘅利苑分店令我咁失望，但都改变唔到我以后唔去利苑！因为我明白到系个别分店嘅问题，发誓以后宁愿饿到胃抽筋都去番平时帮衬开果间分店！！！