真鮨 (已結業)

今日去食日本菜，喜出望外之旅。入到去环境超好，好似去咗日本居酒屋咁，首先我哋嗌咗个清酒醒醒胃先，之后嗌咗个原条刺身，店长推介我哋食鲂𫚒鱼，第一次食感觉十分奇妙，师傅薄切起肉，鱼好鲜甜，虽然佢唔多余油脂，但极有鱼香，亦都系有少少入口即溶嘅感觉。寿司方面就带咗火炙雪场蟹脚啊，火炙左口鱼边，雪场蟹脚有鲜甜又大啖肉，左口鱼边鱼油极香！另一个就系朋友大力推介嘅，葱花海胆大阪卷，海胆份量简直喜出望外，而且极度鲜甜，配埋吞拿鱼茸加葱花，呢个价钱性价比超高。而软壳蟹沙律卷句，佢系用好似越南嘅粉皮包成入，软壳蟹唔会好油腻，配埋越南粉皮配合得非常好。我哋再嗌左几串串烧，牛舌弹牙，入口极有有牛香而且烧得非常出色，好考师傅功力。焦糖日本甜薯又系另一个惊喜之作，以为平平无奇点知咬落去系脆口脆口， 为呢餐带黎完美嘅结局