心選 (已結業)

放假女女喺屋企话好闷，想出街食下嘢，于是我就揾咗间cafe带佢去。旺角choice cafe 环境好舒服，全部都系梳化位，坐在梳化上，叹壶茶、食下嘢，听著歌，都几休闲。Cafe布置得好有欧洲小屋嘅感觉，仲有超多玩具，囡囡玩到唔舍得走。饮品方面，我就叫咗一壶桂花乌龙茶，囡囡就叫咗草莓奶昔。食物就有鸡肉忌廉意粉，同埋蜜糖烤鸡翼。意粉几creamy，好香滑忌廉味。鸡肉腌得好入味 ，有少少甜甜地同香草味。蜜糖烤鸡翼好得我同女女心，因为外皮烤得香脆，内里嫩滑，蜜糖味香甜。同囡囡喺cafe玩咗几个钟 就当系假期嘅亲子活动。