影片
更多
2023-05-01
240 浏览
真系十分失望嘅一餐🥲近日同朋友去咗呢间小有名气嘅Cafe食饭，以前成日见到佢排长龙，亦都有唔少赞赏呢间Cafe嘅食评，所以一开始对佢都有啲期望。可能期望越大，失望越大，食完只系觉得无论系食物质素定系环境都好普通。两个人嗌咗一个主菜，一个小食，同埋一个甜品，三样都好普通。朋友因为见到网上嘅食评好多都赞Cafe嘅脏脏提拉米苏，所以我哋都嗌咗一个，谂住应该唔会太差。但食完觉得最失望嘅就系呢个甜品，提拉米苏入面只有好少嘅咖啡味，亦都食唔到有任何嘅饼干成分，大部份都系甜到漏嘅cream。而上面嘅朱古力粉亦都提唔起任何嘅作用，食落去唔觉得有朱古力味，亦都冇任何减腻嘅效果。同朋友食咗两啖就冇再食。本身同朋友都钟意烟韧嘅口感，所以大家都对猫耳朵意粉好有兴趣，加上都见唔少食评话餐厅嘅慢煮口水鸡扒好出色，又再次将期望值拉高🫠可惜换来嘅只有失望。唔单止蘑菇忌廉汁唔够浓郁，猫耳朵意粉嘅口感亦都唔烟韧，而且唔够挂汁。慢煮口水鸡扒色落去唔太感受到口水汁，但鸡扒口感滑嫩，有加分👍🏼总括嚟讲觉得三样嘢唔系好融合到。而黑蒜酱炸薯条就正常味道，唔可以话好特别，而且越食越咸，酱嘅分布亦都唔够均匀，所以有啲会重味啲，有啲又会
两个人嗌咗一个主菜，一个小食，同埋一个甜品，三样都好普通。
朋友因为见到网上嘅食评好多都赞Cafe嘅脏脏提拉米苏，所以我哋都嗌咗一个，谂住应该唔会太差。但食完觉得最失望嘅就系呢个甜品，提拉米苏入面只有好少嘅咖啡味，亦都食唔到有任何嘅饼干成分，大部份都系甜到漏嘅cream。而上面嘅朱古力粉亦都提唔起任何嘅作用，食落去唔觉得有朱古力味，亦都冇任何减腻嘅效果。同朋友食咗两啖就冇再食。
本身同朋友都钟意烟韧嘅口感，所以大家都对猫耳朵意粉好有兴趣，加上都见唔少食评话餐厅嘅慢煮口水鸡扒好出色，又再次将期望值拉高🫠可惜换来嘅只有失望。唔单止蘑菇忌廉汁唔够浓郁，猫耳朵意粉嘅口感亦都唔烟韧，而且唔够挂汁。慢煮口水鸡扒色落去唔太感受到口水汁，但鸡扒口感滑嫩，有加分👍🏼总括嚟讲觉得三样嘢唔系好融合到。
而黑蒜酱炸薯条就正常味道，唔可以话好特别，而且越食越咸，酱嘅分布亦都唔够均匀，所以有啲会重味啲，有啲又会唔够味。
环境方面，见到好多人都话餐厅嘅暗黑风装修型格，值得打卡，我就不敢苟同。餐厅嘅装修比我嘅感觉系好简单，唔太觉得佢有用心营造型格嘅感觉。如果相似风格来讲，我会比较欣赏位于长沙湾嘅Contrast🫡
张贴
