Itamama Bistro

营业中

休息中

见佢啲面包有板有眼，个餐厅似似地*乐，心谂质素唔会太差挂。但完全俾个外表呃左，叫左个三文鱼野菌阔面，一个猪鞍，一个沙律。虽然佢有讲个沙律细细碟，但我完全想像唔到原价52蚊既沙律会得四件蕃茄仔，再加一pat有芝士味既酱（唔系芝士）。个阔面外观正常，份量不过不失，但不是靓阔条面，个餐牌讲到咬口弹牙等等，原全食唔到，系煮到over左既阔条面啫。个猪鞍上枱一刻，所有野都玩完，首先图文不附，我第一次见猪鞍系咁分开斩件，而且切开同猪扒有咩分别呢？除左松肉粉质地，我完全食唔到有猪味，更莫讲咩橡木香啦，系得松肉粉！仲要痴住骨个旧系一团肥膏，成份野得下面甩出黎个块系猪扒咁（仲要我觉得佢真系揾旧猪扒去扮猪鞍，因为厚度斩好明显唔同）有图有真相。佢个质素同价钱系茶餐厅仲好食抵食过佢，唔知点解会有咁多好评。仲要食到一半，我个口仲食紧薯条个阵，有侍应走埋黎话帮我收起佢，我真系呆左，唔通叫亲呢个猪鞍既客人都系食一半就唔要，点解佢会觉得我食一半就唔要，最后只食多几条薯条，因为成旧肥肉，真系得个块「扮猪」系可以人到口。十分十分失望同埋觉得唔抵。