美中·鴨子 (已結業)

外国朋友来港，想带佢食地道特色中菜，所以决定去美中鸭子。不过唔可以book位，只可以walk in，晚晚都好多人，等左差唔多成个几钟。。。食物方面，担担面系我食过最好食，好香！而且只系$30，正常size唔系细碗，正正正。胡椒包都不错。片皮鸭必嗌唔洗多讲，不过面皮偏厚，通常我会撕开一半，不然鸭未食晒，食皮都食到饱。鸭汤都好饮，虽然得两粒豆腐。水煮鱼同水煮牛都极推介，望落好似好辣但食落会有辣椒既香气同小麻，绝对唔系食到咳或者火烧咀唇个种辣。本人唔食得太辣都接受到！水煮鱼无骨而且大大块，啖啖肉！水煮牛好滑好滑，完全唔会鞋！一碗份量都好大，而且系底会有小许面条，十分抵食。两个人食的话一个水煮鱼/牛加半只鸭基本上已经饱了。唯一失色既系个炒鸡（见图，唔记得咩名），味道同鸡煲既鸡一模一样，无惊喜，鸡肉亦不多，而且多骨，有小小失望。总括而言非常唔错，性价比高！绝对要试！