炊豕店 (加路連山道) (已結業)

今日陪人去左港岛一日游，先去上环睇中医，再落铜锣湾apple store 同湾仔电脑城整电脑，搞完一大轮都接近晚饭时间七点几，谂谂下食咩好果阵突然发觉之前上网睇过一间食猪扒好出名又性价比高嘅餐厅，就系炊豕屋啦!! 决定去试试佢🤤可能仲算早，未算太多人排队，排左大约三个字左右就入到去了，入面地方虽然有少少狭窄，但系装修其实几有旧式日本野mix 香港嘅风味。我地叫左个招牌秘制猪扒饭配肉燥汁加太阳蛋，块炸猪排厚切得黎唔会柴，做得出外脆内juicy 嘅口感，加埋煎得微焦嘅太阳蛋同埋肉燥汁十分送饭，唔洗十分钟就清晒👍👍另外再叫左个话梅花雕猪手配捞粗面加滑蛋，猪手腌得入味得黎keep 到口感胶质易咬，配埋嫩滑蛋同埋用左类似卤水汁调味嘅捞粗面同样十分惹味。 至于小食芝麻鸡翼表现不过不失，尚算肉质嫩滑。饮品方面叫左樽装苹果汁同埋热柚子蜜，为浓味食物refresh 一下。