森泰遠甜品餐廳 (已結業)

放工经过见到有间餐厅半自助午餐都系每位$62, 价钱好抵㖞!餐厅系观塘工业中心, 系观塘站D2出口, 一落楼梯行前十几步就到。一于同朋友去食。餐厅叫森泰远甜品餐厅, 外面及入面装修好有园林感觉, 简洁。最重要系干净, 入餐厅第一样系要用搓手液抹手, 然后店员安排顾客坐得隔离一点。而且餐具系另上, 唔会一直放枱面。店员姨姨好有礼貌, 又会同其他食客聊天, 感觉好亲切。午餐有7款拣, 全部$62, 仲要唔驶加一。我同朋友拣左:面包布甸配吉列猪扒窝夫配煎鸡扒点完野就出去睇下有乜野食物拎, 职员细心提我地出去拎食物一定要带口罩, 保持衞生。食物选择有汤, 沙律, 热盘, 水果, 仲有饮品。今日饮的系南瓜素汤, 职员讲佢地星期一, 三都系素汤, 而且无味精落足料, 叫我地饮多碗。沙律每款都有有盖盒装住, 有青瓜丝, 甘笋丝, 沙律菜, 新鲜沙律, 车厘茄。热盘会不停添加, 当日我食到有烧买, 蒸包, 烚菜。甜品亦有数款, 除了小蛋糕, 仲有大菜心, 啫喱, 布甸。还有饮品可以任饮。主菜的面包布甸配吉列猪扒, 面包布甸系即焗, 所以唔会咁快上到, 仲要衬热辣辣食, 估唔到面包布甸好大碗, 好多面包