焱手工涮涮鍋 (已結業)

因为想饮汤又想食鲍鱼，四点四十五入座汤底有四折，7.30前埋单配菜八五折。有时间，当然立刻订座啦。叫左人参药膳汤同芋头沙嗲汤。人参汤可以列入必试名单，有两条大大既参，参味非常香，有非常多优质圆肉，煲左个几钟之后试食一粒，味道竟然十分甜脆，一啲都不似煲过汤既料，可以直接食埋。我叫左花胶，一来到即刻摆落汤去煲。再加埋两只蛏子王加两只鲍鱼。食完呢两样再饮汤，真系又胶又甜又滋补，超正。中间既火焰清酒煮蚬螺68元必试，大概有五粒大花螺，六粒大蚬，清酒点火烧一烧然后加汤，汤滚开口食得，新鲜大件加抵食。马来沙嗲芋头汤小辣，我竟然为食芋头饮左一碗辣汤，味道都好正。仲有八吋黄帝蟹柳，真系八吋，长过我只手多多声，非常甜。再叫左响铃同炸芋头，两样都系新鲜即炸，芋头可以即食，又可以摆落汤去煮，我呢啲芋头迷至爱。响铃上到来促流紧油，好松化，可惜唔系竖起摆，咁样先唔会积埋好多油，不过真系好好味。最后我记得我饮左两碗辣汤，一碗蚬螺汤，四碗人参药膳汤，个肚就来跌落地。店内几阔落，有两面玻璃窗台临街景，十分好坐。可以一试再试。