鮨月 (已結業)

近排因为武汉关系已经甚少出街食饭，咁啱同女友倾起话约出嚟食晚饭，事缘自新年后都少见面，女友就拣咗鮨月，因为果边唔系成日去，初头睇完地图都有啲迷路，最后兜咗个圈去到永乐里行条长楼梯见到O.N.S.再转咗次左向前行就到到。昨晚去到见连我哋在内大约得两三枱客，坐低同女友倾咗几句就睇餐牌，服务绝对满意，可能客人相对地少，无几耐就会加水。睇餐牌见到样样食物都好正好想食，如果唔想自落单食物，可以交比厨师发板，但会贵多少少，我哋睇咗餐牌一阵，最后分开点咗三Round食物，埋单个价唔算太贵，价位系中上。食物方面色香味俱全，胜价比真心赢好多日本餐厅。如果大家想食可以尝试揾揾有无额外优惠lol，最后因为女友订枱关系，佢睇过张单无问题我就埋单，所以无影到张单留底。真心满意昨晚餐晚饭XD，将来会必定再去食。