鮨月 (已結業)

以前食過一次印象OK，今日行過諗住食個午餐，發現可能已經轉左手。是旦啦，坐低係壽司檯叫左個12貫壽司定食。然後，等，等，等，等左幾乎半個鐘，除左杯茶乜都無黎，望住師傅叔叔，佢又好似好忙好努力，樓面姨姨又好緊張甘行出行入，但就係食物始終出得好慢，服務亦幾乎等於無。過多陣姨姨可能發現我面已經黑過檯面，先急急跟跟單然後手忙腳亂攞左份壽司黎，咦，得十件，唉，是旦啦，照食，難食未算，比超市外賣好少少咁多多。食左陣，定食的其他野無跟住黎，例如沙律呀麵鼓湯呀同埋個餐牌自己寫住有兩件剌身添，之後仲應該有甜品同餐飲，太忙漏左? 望下姨姨，佢繼續好緊張好忙甘係我身邊行出行入，又睇唔明佢忙左乜出黎，唯有揚手問佢個餐係咪仲有配菜未上，佢慌失失話係既，然後，等，等，等，等左一輪，佢攞左碗仔沙律黎，係，得碗仔沙律黎。心死，食物又唔係好，服務又完全唔識做，同佢磨落去都係同歸於盡，再揚手叫埋單算啦，188大元，十件壽司兩口沙律吽左大半個鐘。我知道世道艱難，搵食不易，但係唔識做個行就真係未學識就蝕到入骨都未天光個喎，何必呢? 

Monday lunch，對我而言，非常重要！星期一吃頓好的午餐，為自己打打氣，迎戰一星期的忙碌！2021年第39個 Monday lunch，到灣仔月街鮨月吃壽司。我自中學時期就喜歡吃日本料理，多年不變，年長後比較愛吃壽司，鮨月午市壽司定食，定價198元，包括以下的：#野菜沙律：份量不多，蔬菜算新鮮。#味噌湯：不會太鹹，不錯！#手握壽司10貫：帆立貝、赤身、甜虾、蟹籽軍艦、油甘魚，鮮味十足！好吃！三文魚和另外４件白身魚 (不知道名字，店員沒有介紹)，味道比較淡，不突出。#湯烏冬：另加20元/碗，味道一般，可以不點。#水果：橙、密瓜、火龍果各１塊，橙應該放了挺久，有點乾。#熱咖啡：很濃，不是人人喝得慣，但我 like！普普通通的用餐體驗。

提早訂枱 準時到 沒有點omakase 散叫刺身-魴鮄$180 , 刺身7點盛$470 （拖羅、牡丹蝦、魷魚、油甘魚、鯛魚、三文魚，scallop) ,日本蠔約 $108 刺身好新鮮。熟食 - 西京銀鱈魚 兩客 ，惹味。雞肉棒 、牛舌（牛舌實在太靱，超費牙力去消化，這個燒得過晒龍，太熟）是今晚唯一敗筆炸蝦🍤頭 ….香脆

兩人提前訂枱 點了刺身盛7款（$420 ），拖羅、芥末八爪魚、帶子鮮甜、三文魚&油甘魚肥美、甜蝦（海葡萄）鮮甜、兩客燒銀鱈魚（$170x 2) 好好味、一客汁燒牛扒$165 ，五成熟、好入味，唯一就是炒菜（份量太少）。想點魚湯，但當天沒供應。

價錢與食物質素相符， 味道也跟價錢成比例 ， 我個人覺得還是合理的 。但因為颱風與暴雨 的關係， 整個餐廳只有我們一台，感覺像包場， 但根據 menu菜單資料顯示, 包場 的價錢大概是HKD $10,000 －$18,000, 視乎時間( 例如視乎午餐還是晚餐 ；星期一到五與星期六、日、公眾假期又有分別)， 所以昨天晚上的服務特別好, 感覺是賺了。我個人特別重視健康， 見到沙律有比較多綠色蔬菜的選擇 ，我去order 了兩份不一樣的沙律, 價錢合理 , 而且份量也不少所以特別加分吧。

好多時平日放假，都想搵啲靜啲嘅街道小店食下嘢，今次喺呢度搜尋灣仔師父發板，出咗 10 個選擇，就揀間最僻靜嘅試下。門口同圖入面嘅餐牌一樣，lunch time 就揀貴少少嘅壽司 set，$248 十件，冇乜好投訴，料夠新鮮嘅話，直頭係抵食。入座近一時正，店內大概七個客人，在我前面先入咗兩位，我一位被安排坐吧枱對住師父，十分正路。唯一一位侍應放低一杯茶一份餐牌，冇一粒聲就行咗去招呼另外兩位客人，冇所謂啦，你得一個人做。聽到兩位客人落咗單，侍應亦報咗俾師父知咩餐，我諗住佢識返唻問我啦，一等是五分鐘，冇人理過我侍應唔見咗，師父唔望我，存在感跌到人生最低。最後我揚一揚個餐牌擰晒轉面，先有人知我想落單，我問 lunch 最好係呢個餐嗎？口音原來唔係好正嘅唯一一位侍應就答我壽司係呢個，咁我話好啦唔該你呢個啦。一心以為坐吧枱，師父會慢慢上，食住正常麻汁沙律等，又睇下師父手勢，見佢一字排開三塊木板，三份餐一齊整，就知我自作多情了，吧枱唔代表會逐件做，一樣係成份出，不過收你 $248，算啦。兩位師父一齊玩咗十幾分鐘，玩齊三份餐，就叫出餐，其中一位師父在我面前遞俾我，問：你係呢個餐吖嘛？我心諗，我點知呢個

灣仔嘅星街，月街出名多野食，今日同同事去咗月街，試吓呢間日本料理。去到一間咁高級嘅日本餐廳，我會想食刺身，於是我哋就選擇左：北海道魚生飯定食 $208。因為餐廳地點有點遠和偏僻，前菜嘅冰凍沙律，確實係一款好好的消暑良品。再嚟一個刺身飯，刺身好新鮮，係鮮甜，尤其係海膽，係食得出鮮味。雖然今餐有點貴，不過真係俾到高級嘅食材。可惜麵豉湯偏鹹，或者因為今日嘅刺身飯好清淡，令到麵豉湯的鹹度形成好大嘅對比。最後嘅柚子蜜同埋少少生果，就為今日嘅午餐畫上句號。

跟朋友慶祝生日， 一入到去有丙枱客已經係大聲喧嘩， 本想請侍應讓他們細聲啲， 卻被告知佢哋係老闆， 所以無辦法；真心講開心大聲一啲係無問題， 但二個小時食飯中我連朋友說話都聽得唔清楚， 咁就太過了吧，唔會再幫趁，亦肯定會係朋友圈廣為推薦為一間不能去的餐廳

There are not too many options for sushi in Wnachai so my husband and I decided to give this place a try. My special sushi set had decent taste but the pieces were so tiny! I also added an udon but sadly it was over cooked and too soft. My husbands minced tuna and tempura also tasted ok but the portions are pretty tiny. Could be an ok option if you’re craving sushi that isn’t too expensive in Wanchai but I don’t think we will return.

同女朋友幫襯左呢間小店都有二年左右，二年都keep住高質水準，價錢又公道waiter們都好好禮貌，仲好主動，每次都會介紹今日有咩好介紹，而佢介紹既每次都令我有驚喜👍🏻不過好可惜有大部份野食都一落抬就比我地食哂，影吾切相，哈哈時令魚薄切，師傅手工十分好，每塊都切到好通透，但又不失魚味，點埋酸汁一流👏🏻粒貝刺身，爽爽爽，十分爽，我地可以一次食兩隻😂好食到無辨法形容不過有樣野好可惜，以前有個汁煮螺，清酒煮蜆，而家冇左😭😭熟食個鵝肝多士，牛舌，銀雪魚，明太子烏冬，軟骨餃子，炸豬扒，全部都好好食，每次我去都必點👏🏻👏🏻

今日同朋友黎試下呢間月街日餐入到黎睇左下餐牌 叫左啲刺身壽司加熟食都好食 特別系啲生蠔 口感非常岩我口味 飲清酒都會推介邊支好飲邊款岩我地飲 職員都有禮貌解答我地既問題 價錢方面接受到 值得一試 下次會同朋友再黎試下廚師發板👍🏻

大熱天時，試下咩隱世日式小店，原來又一間港式扮日本的爛貨。特登訂位，到步有大量吉位唔滿座。外面天氣＞31度，一坐低照俾兩杯熱到辣咀的茶，點飲？立即落單，然後問聲有冇凍水。點知嗰位男性化打扮的女侍應答覆，只有橙汁和柚子蜜選擇。我和友人叫哂兩樣，等了5分鐘她帶來親手從雪櫃取出倒出來的橙汁，然後⋯執其他檯、收錢、執廚具等，直至食物上檯一刻才連托盤一併奉上，完全無視顧客曾經對她要求的凍水。問得你，當然有需要。兩份午餐食物質素非常一般。我第一次食吞拿魚蓉飯，係要自己挑出那麼多魚骨！大約十條，咁細碗飯⋯唉最差的還是那位侍應的態度，大家真的要小心。最怕人本身冇禮貌扮有禮貌chok出嚟。上菜時，她不小心踫跌了我放在檯面的手機。我只是輕輕搖頭嘆息，她立即第一句回應：「你唔擺嗰度我咪唔會整跌囉！」我心想：「唔好意思，整親你弱小心靈。你咁嘅性格咁趕客，好心你轉工啦！」大家別貼錢買難受。冇咩特別，絕對唔洗試。永不encore!食物質素頗低，份量只適合輕食的女士。日本菜在香港多不勝數，比較之下，這間餐廳絕對屬於下遊位置。從未試過食日本餐魚生，需要自行去魚骨。一個魚生飯有十幾條魚骨，實在費勁，亦跟我認識的日本菜背

🍽鮨月 (灣仔)📍灣仔月街2-12號地下D-F號舖.🍱銀鱈魚西京燒定食 $198🍣三文魚腩定食 配天婦羅 $148.多謝牛先生帶我嚟文青小村莊一樣嘅月街☺️呢度每份定食都有好多小碟子，超有儀式感😆銀鱈魚西京燒係必食！ 好滑好嫩又大份。西京燒係指用以西京味噌醃漬，但呢個完全唔會大咸，加埋沙律醬係超好食！ 平時唔食飯嘅我都食咗大半碗😆 牛先生繼續食佢最愛三文魚腩，每片都好厚身，都係幾吸引～.#利利仁飲食雜誌港島區 #灣仔 #日本菜 #定食 #文青穿搭 #文青#月街 #星街 #灣仔美食 #香港打卡 #打卡 #餐廳 #假期 #日本餐廳 #刺身 #三文魚腩 #西京燒 #銀鱈魚 #japan #japanesefood #holiday #vibes #chill #weekend #resto #refresh #recharge #salmon #wanchai #wanchaifood

友人之前去過鮨月食午餐，發現呢間鮨月挺不錯的😆我哋就今晚去試埋晚市，睇下質素係咪同樣高質先?🤩◭ 蟹子沙律 $65味道正常，同其他餐廳蟹子沙律差不多，可以不用試😂本身係想試一款比較特色嘅「三文魚皮柚子汁沙律」好可惜沒有三文魚皮🙈◭ 刺身盛 (7款) $420有拖羅、三文魚、甜蝦、帆立貝、八爪魚、芥辣八爪魚、油甘魚每款刺身非常新鮮，拖羅肥美，帆立貝鮮甜、八爪魚好彈牙、特別一讚係甜蝦上面加咗海葡萄，有選擇困難症嘅朋友，揀呢款刺身盛就啱晒！◭ 特選壽司盛合 (12貫) $580有鱸魚壽司、浜鯛壽司、黑鯥壽司、蟹膏赤蝦壽司等等...呢款壽司盛合有好多款都係我哋比較少見😂唔係經常會食到或者聽過嘅壽司🙈每款壽司味道鮮甜，加上師傅有特調醬汁、例如有加入柚子蓉等等！但係有部分魚本身味道並非人人接受，大家可能要考慮下，或者問問店員會提供邊款壽司🍣◭ 軟骨餃子 $55呢個軟骨餃子好得意，有好多微細軟骨，同埋餃子皮唔係煎到好脆，相對無咁熱氣，味道不錯的，可以試試鮨月位於月街，店內非常寬敞，環境舒適，食物選擇多，又有得飲下酒，同埋又有廚師發辦！如果食Omakase，記得訂位時預訂埋！

Booked 18:30 for 2, 點了刺身拼盤（7盛），兩客燒銀鱈魚、燒鱔一串、燒雞肉（另有一款燒雞棒含雞軟骨，價錢一樣）,蟹子沙律，食物依舊好味！同場還有一枱食客。